Kapolda
Jabar Rék
Néangan Tarékah
Geusan Ngungkab Kajahatan
Ku: Aura
Iska
Kapolda
Jabar biantara.
Potrét: jabar.tribunnews.com
(SundaNews,Garut) Mingkin dieu the dunya mingkin
harénghéng.
Kajahatan tumuwuh di mana-mana. Teu lalalenges deuih, dalah patugas kaamana modél pulisi jeung TNI gé réa nu milu
jadi korban, boh nu dikadék boh nu ditémbak.
Geusan
ngungkulan kajahatan sangkan teu beuki ngagalaksak, Kapolda Jabar, Irjén Pol Mochamad Iriawan, negeskeun
yén pihakna baris ngagelar oprasi
gedé-gedéan. “Dina ahir dugi ka awal taun
ayeuna lumangsung sababaraha hiji kajahatan, sapertos di Kabupatén Bandung, Garut sareng Bogor.
Iwal ti nyerang warga, nyerang anggota pulisi deuih, éta jalma jahat téh” cék Kapolda ka wartawan basa
ngalongok Kapolrés Garut,
Senén (13/1/2014).
Ku
kituna, cék Kapolda
kénéh, anggota pulisi kudu nindak kalayan tegas
jalma jarahat téa. Nu kudu leuwih waspada deuih, lantaran antara kajahatan di
hiji tempat jeung tempat séjénna teu boga rambat kamaléna. “Pokona kami baris
usaha sakuat tanaga kanggé ngunkab jalma nu tos luas ngalakukeun panémbakkan,”
cenah.
Tidak ada komentar:
Posting Komentar